Турскиот ракометен интернационалец Халил Озтурк и следната сезона ќе ги брани боите на суперлигашот ГРК Охрид.
Турскиот ракометар со над 20 натпревари за турската сениорска репрезентација игра на среден (централен) бек и ќе биде одлично засилување за “новиот тим” на сино-белите под палка на Горан Андоновски. Зад себе Озтурк има 55 настапи и за младинските селекции на Турција, со кои во 2013 година добил место во олстар-тимот на Балканското првенство, а на младинските Медитерански конфедерациски игри во Италија 2014 бил прогласен за најдобар централен бек во олстар-тимот.
Озтурк во ГРК Охрид дојде од РК Металург, а претходно својата кариера ја градеше во Тото Спорт – Турција кој тим беше шампион во сезоната 2020/2021. Пред тоа играл за Гозтепе и Национал лотарија (Турција).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
