Седумкратниот светски шампион во Формула 1, Луис Хамилтон од Мерцедес изјави дека е охрабрен од добрата форма на Ферари, во пресрет на неговиот трансфер во тој тим од следната сезона.
Тој додаде дека е прилично неверојатно да се гледаат Мекларен и Ферари како ја прекинуваат доминацијата на Ред Бул оваа сезона. Ред Бул добро ја започна сезоната, исто како и неговиот возач Макс Верстапен и се чинеше дека нема да имаат проблем да ги одбранат титулите. Сепак, Верстапен помина во серија од 10 трки без победа, а тимот на Ред Бул беше престигнат од Мекларен и Ферари.
„Многу сум заинтересиран за мојата иднина, се разбира. И соодветно, следам и гледам се што се случува“, изјави Хамилтон, а пренесува Скај.
На прашањето дали е охрабрен од перформансите на Ферари, Британецот одговори: „Секако“.
„Ако ја погледнете трката во Кина, Ред Бул имаше второ водство и беше прилично неверојатно да се гледа како расте Мекларен, а потоа и Ферари на последните неколку трки, да се види нивниот напредок, да се види сечиј болид и што менуваат и што додаваат“, рече тој.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
