Петкратниот шампион во Формула 1, Луис Хамилтон и за време на паузата, одново е на патеката. Но, не во болид, туку на мотор.
Хамилтон викендов учествувал на тест-возење во Супербајк на патеката „Херес“ и имал пад од мотоциклот, но нема посериозни последици.
Според „Газета дело Спорт“, Хамилтон возел Јамаха ЈЗФ-Р1, истиот мотор што го користи тимот во Супербајк шампионатот. Британецот возел исчистена црна верзија на моторот со број 44.
Хамилтон е познат како фан на трките во МотоГП, а пред една година стана заштитно лице на брендот МВ Агуста, а италијанската компанија издаде и лимитирана серија мотори со иницијалите на Луис Хамилтон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
