Вечното дерби мина во спортска битка на теренот, но за жал мега-дуелот имаше и темна страна – поради однесувањето на навивачите.
„Чкембари“ веднаш по влегувањето во салата направија огромен инцидент фрлајќи запален факел кон соседната трибина поради што битолчани подоца беа отстранети од арената, а до голем инцидент дојде и по завршувањето на мечот во „Јане Сандански“ откако гостинските ракометари беа нападнати додека се движеа кон соблекувалните.
Од видеото што се шири по социјалните мрежи јасно се гледа и мешаницата во која се вклучени ракометарите на Пелистер и уште неколку лица, за кои не се знае дали се официјални лица како обезбедување на мечот или пак членови на навивачката група „Комити“.
Во секој случај, инцидентот е за осуда бидејќи во период кога ракометот е спорт број 1 во државата, ваквите несакани епизоди не се од корист никому.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
