Огромен скандал го одбележа денешниот ден во ракометна Европа откако реваншот од ЕХФ Европскиот куп меѓу Партизан и АЕК воопшто не се одигра.
Причина – хаосот што го предизвикаа домашните навивачи, кои со „топовски удар“ во салата ги шокираа грчките ракометари уште при загревањето пред натпреварот. Ракометарите на АЕК се повлекоа кон соблекувалните, потоа се вратија, но следеше нов „топовски удар“, по што тие се вратија назад во подтрибинскиот простор, децидно одбивајќи да излезат на терен.
Како што информираат српските медиуми, на АЕК му било понудено мечот да биде одигран без присуство на публика, но Грците јасно ставиле до знаење дека немаат намера да играат вечерва во Белград.
Се очекува ЕХФ во следните денови експресно да реагира и да донесе конечна одлука за овој натпревар, ако се знае дека полуфиналните пресметки се закажани за дваесетина дена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
