Тренерот на Хајдук Сплит, Џенаро Гатузо нема да одржи стандардна прес-конференција пред утрешното дерби против Динамо Загреб, што е прилично необичен потег.
Иако пред натпревари од вакво значење е вообичаено тренерите да им се обраќаат на медиумите, Хајдук реши да ја прекине оваа практика поради моменталната чувствителна ситуација во клубот.
Според информациите на „Пољуд“, клубот смета дека на тимот му е потребен целосен мир. Челниците на Хајдук веруваат дека новинарите би ја искористиле можноста да го испрашаат Гатузо за внатрешните проблеми на клубот, особено во светло на последните случувања, па решиле да спречат какви било прашања кои не се поврзани со претстојното дерби.
Наместо на конференцијата, клубот до медиумите ќе проследи снимено интервју со италијанскиот тренер. За потсетување, во Хајдук моментално владее криза откако беше разрешен спортскиот директор Никола Калиниќ, што предизвика бурни реакции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
