Капитените на Вардар и на Шкендија, Бобан Грнчаров и Ферхан Хасани, добија казна од два натпревари неиграње по црвените картони што ги заработија на куп-дуелот меѓу Шкендија и Вардар што се одигра во Тетово. Ова значи дека тие нема да настапат за своите екипи на претстојните мечеви од 28.коло овој викенд, но и на дербито што ќе се игра в среда во Тетово. Ова секако ќе биде голем удар и за Вардар и за Шкендија, но доаѓа како епилог од меѓусебниот обид за физичка пресметка што го имаа во средата.
Организаторот на мечот Шкендија е предаден на Дисциплинска комисија и се очекува да биде одредена казна за неовластеното влегување на навивачи на теренот, кои се обидоа да ги нападнат фудбалерите на Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
