Баерн Минхен ја совлада Херта со 1-0 на „Алијанц арена“ и се израмни бодовно со 51 бод со лидерот Борусија Дортмунд. „Милионерите“ утре ќе го одиграат дуелот против Баер Леверкузен од тековното коло во Бундес-лигата.
Хави Мартинез беше стрелец на победничкиот погодок за баварскиот тим во 62.минута, а Херта го заврши мечот со играч помалку поради исклучувањето на Рекик. Волфсбург ја изненади Борусија Менхенгладбах на гости и славеше со 0-3. Адмир Мехмеди беше двоен стрелец, а погоди и Герхарт.
Мајнц го совлада Шалке со 3-0, а убедлив триумф (5-1) забележа Фрајбург против Аугсбург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
