Јуп Хејнкес ги одработува последните натпревари на клупата на Баерн Минхен пред да го препушти кормилото на Нико Ковач, кој утре доаѓа со Ајнтрахт по важни бодови.
Судирот на германскиот и хрватскиот стручњак утре ќе биде увертира за тоа што ги очекува двата тима во финалето од Купот на Германија, кога Ковач ќе го брка својот прв тренерски трофеј.
„Необично е што ќе се сретнеме во финалето од Купот. Не стравувам јас од Нико Ковач. Тој е млад тренер и се надевам дека во Баерн ќе има успеси. Немој да бидете прекритични кон него, дајте му време“ – вели Хејнкес и дополнува:
„А мое е да победувам до крајот на сезоната. Треба да извлечеме и поуки од поразот од Реал во првиот меч од полуфиналето во ЛШ, но во Мадрид одиме и силно мотивирани за успех“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
