Баерн Минхен без апсолутно никакви проблеми дојде до победа од 1-6 на гостувањето против Холштејн Кил во 3. коло од Бундеслигата.
Баварците дојдоа и до третата своја победа на стартот од сезоната, овој пат најавена уште во 1. минута со голот на Мусиала.
До полувремето, веќе беше 0-4, со головите на Хари Кејн во 7. минута, автоголот на Ремберг во 13. минута и вториот гол на Кејн во 43. минута.
Во вториот дел, Олисе во 65. минута зголеми на 0-5, Гиговиќ во финишот само постигна почесен гол за домашните, а Кејн од пенал во 91. минута затвори со свој хет-трик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
