Шпанскиот мотоциклист и актуелен светски шампион во Мото ГП, Хорхе Мартин, успешно е опериран на десната рака во Барселона, соопшти неговиот тим Априлија.
Хорхе Мартин е нов возач на Априлија и таму пристигна откако ја освои шампионската титула во Прамак Дукати во Мото ГП шампионатот.
За време на претсезонското тестирање, Хорхе Мартин доживеа страшна несреќа кога изгуби контрола над моторот влегувајќи во свиокот два на патеката Сепанг во Малезија.
„Операцијата на десната рака на Хорхе Мартин е успешно завршена. Лекарскиот тим на клиниката „Дексеус“ во Барселона потврди дека операцијата била успешна“, се вели во соопштението на тимот.
Мартин беше повреден во несреќа во средата за време на претсезонските тестирања на патеката Сепанг во Малезија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
