Холгер Руне го очекува долга пауза од тениските терени по тешката повреда што данскиот тенисер ја заработи на полуфиналето од турнирот во Стокхолм против Уго Умбер.
Данецот имаше предност од 1-0 во сетови, се играше 2-2 во вториот сет кога стана јасно дека проблемот е сериозен, а Руне му соопшти на физиотерапевтот дека мисли дека ја скинал тетивата.
Тој воопшто не можеше да гази на левата нога и мораше со помош да го напушти теренот, за утрово да бидат потврдени црните прогнози.
„Точно е, Руне ја скина тетивата и го чека пауза од најмалку шест месеци. Треба да се направи уште едно снимање и тогаш ќе се знае дали е неопходна операција“, изјави мајката на Холгер, Анеке Руне, кој исто така е и менаџерска на најдобриот дански тенисер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
