Хрватска е третиот ривал за македонскиот ракометен тим на Светското првенство во Германија. По двете стартни победи против Јапонија и против Бахреин, ова е првиот голем предизвик за „црвено-жолтите“ на Мундијалот. Хрватите се класа за себе, но искусниот Златко Хорват има голем респект за дружината на Кире Лазаров.
„Мислам дека одигравме цврста одбрана против Јапонците и излеговме на крај со брзите Јапонци. Но, сега следи Македонија. Тие не се наивен тим, предводени се од одличниот Кире Лазаров. Но, ние планираме да ги освоиме бодовите, тоа е сосема јасно“, изјави Златко Хорват за хрватските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
