Грчките медиуми го објавија со име и со презиме главниот осомничен за убиството на 29-годишниот навивач на АЕК, по синоќешните нереди во Атина, во местото „Неа Филаделфија“. Станува збор за 19-годишниот Домагој Пезер, кој се сомничи дека му ги нанел смртоносните повреди на Михалис Кацурис.
Навивачот наводно бил уапсен на грчко-албанската граница „Какавија“, во обид да влезе во Албанија, и од таму преку Црна Гора да се упати кон Хрватска.
Според хрватските медиуми, на телото на убиениот биле идентификувани отисоци од прсти, и според неофицијални информации, станувало збор за грчки државјанин.
Полицијата уапси 98 лица, од кои дел од нив се пуштени поради немање на докази и упатени кон Хрватска, додека добар дел од нив ќе бидат изнесени пред истражен судија, а можно е притвор за одредени навивачи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
