Анте Будимир, 33-годишниот хрватски интернационалец имаше извонредна сезона во шпанското првенство постигнувајќи 21 гол на 38 одиграни натпревари за Осасуна па го примами интересот на европските гиганти.
Со оглед на пребогатото искуство и животната форма, како и неговата вредност на трансфер маркетот, повеќе клубови се заинтесирани за негов ангажман. Осасуна нема намера да преговара за неговите услуги па од клубот јасно порачаа: Неговата откупна клаузула изнесува осум милиони евра па кој сака да стигне до неговиот трансфер нека дојде и нека ја плати.
„Кој ги сака нашите играчи, нека дојде и нека ја плати клаузулата. Нашите клучни играчи имаат и ќе имаат понуди, а клубот е одлучен: Кој и да сака да замине, мора да ја плати обесштетата“, изјави спортскиот директор Брауло Васкез.
Будимир во текот на кариерата настапуваше за повеќе клубови од Хрватска, Германија, Италија и Шпанија. Во Осасуна е од 2021 година забележуваќи 180 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
