Селекторот на Португалија, Роберто Мартинез вели дека репрезентативците на Хрватска се неверојатно синхронизирани на терени, играјќи како да се дел од клуб во кој тренираат секојдневно заедно а не како да се на собир само десеттина дена.
Португалија загуби од Хрватска со 1-2 на пријателскиот натпревар пред ЕВРО 2024, по што Мартинез не штедеше пофални зборови за противникот.
„Играта на Хрватска беше за нас многу тешка, и од технички и од тактички аспект. Ни беше тешко да парираме, затоа што тие играат како да се клуб, синхронизирано и складно. Нема многу такви репрезентации“ – вели Мартинез.
Тој дополнува дека Хрватите се подобро синхронизирани и од играчите во најдобрите светски клубови кои секојдневно тренираат заедно.
„Во меѓународниот фудбал тоа не е баш вообичаено. Тоа е противник од кој може да научите и со кој може да напредувате“ – дополнува Мартинез.
Португалија на ЕВРО 2024 ќе отвори против Чешка на 18. јуни во Лајпциг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
