Хрватскиот коментатор кој го пренесуваше евролигашкиот дуел меѓу Монако и Партизан не остана рамнодушен по решавачката тројка на капитенот на „црно-белите“ Кевин Пантер во возбудливата завршница на натпреварот.
Партизан обезбеди пласман во најдобрите осум екипи на Евролигата, откако во петокот на гости го совлада Монако со 84-88.
Со одличните игри и спектакуларна атмосфера во белградска „Арена“, црно-белиот тим сезонава ги освои срцата на кошаркарските фанови ширум Европа, па дури и неутралните посакаа пласман на белградскиот тим во плеј-офот.
Ниту хрватскиот коментатор кој го пренесуваше натпреварот од Монако не ги криеше симпатиите кон „црно-белите“. Неговата реакција по клучната тројка на Кевин Пантер на крајот од мечот стана вирален хит.
„Па – па – па – па – па… Пантер“ извика воодушевениот коментатор по мајсторијата на капитенот на Партизан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
