Натпреварот помеѓу Вараждин и Динамо Загреб во 27. коло од елитниот хрватско фудбалско натпреварување го одбележаа и македонските интернационалци Марио Младеновски, Димитар Митроевски и Стефан Ристовски кои се најдоа на спортивната страна од теренот.
Додека Митровски беше херојот на Вараждин завршувајќи ја средбата со гол вреден реми за својот тим, Ристовски средбата ја започа од клупата, но доби шанса од тренерот Канаваро во 73. минута за финишот на средбата, шанса која хрватските медиуми ја означија како „незапомнет потег“.
Македонецот во Динамо доби жолт картон во 63. минута поради приговор од клупата за резерви па со излезот на теренот десет минути подоцна, италијанскиот стратег го довел составот во опасност да остане со играч помалку.
„Десет минути подоцна Канаваро го внесе Ристовски наместо Бартоло Фрањиќ. Тренерите обично ги вадат играчите склони на остра игра и/или приговори надвор од игра откако ќе добијат жолт картон. Тренерот на Динамо, пак, го внесе Ристовски во игра откако доби жолт картон на клупата, иако ги има гореспоменатите тенденции, па со него во игра имаше зголемен ризик да остане со играч помалку“, пишува во објавата на „Индкс“.
Ристовски на овој натпревар беше единствениот фудбалер во редовите на Динамо на кој му беше покажан картон. За македонскиот бек тоа е седмиот жолт картон во првата хрватска фудбалска лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
