Матс Хумелс се уште тактизира околу одлуката за следна дестинација во кариерата, откако германскиот ветеран ја одби и последната конкретна понуда што ја доби летово.
Челниците на Реал Сосиедад беа оптимисти дека ќе го осигураат потписот на екс-дефанзивецот на Борусија Дортмунд, двете рунди разговори беа оценети како крајно позитивни, но кога се очекуваше само потпис за официјализација на соработката, Хумелс во последен момент се премисли и реши да ја одбие понудата.
Како што навел ветеранот, не станува збор за незадоволство од финансискиот аспект од понудата, па преговорите воопшто нема да бидат продолжени.
Германецот е желба и на клубови од САД и од Саудиска Арабија, тој досега приоритет им даваше на понудите од Европа, но останува да се види каде Хумелс ќе ја продолжи својата фантастична кариера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
