Заедничка кандидатура за организација на Светското првенство 2030 најавија Аргентина, Чиле, Парагвај и Уругвај.
Аргентина, Парагвај и Уругвај уште минатата година објавија дека се заинтересирани за заедничка организација на СП, а сега им се приклучува и Чиле. Тоа го потврди чилеанскиот претседател Себастијан Пинера.
„Пред неколку месеци им предложив на Аргентина, Уругвај и Парагвај и ние да се вклучиме во организацијата и договорот сега веќе е постигнат“ – соопшти Пинера.
На СП 2030 треба да бидат одбележани 100 години од првото Светско првенство одржано во Уругвај. Па Јужноамериканците се надеваат дека токму и тоа ќе пресуди да ја добијат организацијата.
Заедничка кандидатура за организација на СП 2030 најавија и Мароко, Шпанија и Португалија, како и Србија, Грција, Бугарија и Романија.
Следното Светско првенство се одржува 2022 во Катар, а во 206 домаќини ќе бидат САД, Мексико и Канада.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
