Фудбалската федерација на Македонија информира дека Филип Поповски, како делегат, и Игор Сточевски како асистент судија ќе учествуваат на Европското првенство до 21 година во Словачка (од 9 до 28 јуни).
Филип Поповски е назначен за делегат на УЕФА за натпреварите на стадионот во Трнава, што значи дека ќе го надгледува организацискиот дел, ги проверува условите и обезбедува спроведување на прописите.
Игор Стојчевски ќе биде четврти судија на натпреварите, со што ја продолжува успешната меѓународна кариераа, секако учеството на младинското Европско првенство е признание од УЕФА за неговата посветеност.
„Ова е признание не само за мене, туку и за македонскиот фудбал. Ангажманот доаѓа после години работа на домашни и меѓународни натпревари. Го користам моментот да ја искажам благодарноста до ФФМ и УЕФА за довербата. Наша цел е да покажеме дека имаме капацитети за уште поголеми задачи“ – вели Филип Поповски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
