Разговорите за нов тренер на Црвена Звезда очигледно нема да се смират ниту по синоќешната победа на тимот на гостувањето против Штурм во Грац во Лигата на Европа. Тренерот Владан Милојевиќ повторно ја префрли топката на раководството на Црвена звезда кога станува збор за разговорите за тренерската позиција.
Неговиот договор со црвено-белите истекува на крајот од годината, се споменува доаѓањето на Дејан Станковиќ на клупата, а Милојевиќ, кога беше прашан за останување, и синоќа рече:
„Тоа прашање не е за мене. Јас сум во клубот, не знам што ќе се случи и како ќе биде? Имаме уште два натпревари и ќе видиме“, рече Милојевиќ.
Долго време бројни медиуми во Србија веќе „му врачија отказ“ на 55-годишниот стручњак. Тој бурно реагираше откако Шпанецот Алберт Риера веќе беше „претставен“ во Белград.
„Кога ќе дојде господинот Риера, ќе има одличен тим тука“, рече тој во еден момент.
Сепак, по триумфот над Лил, првиот човек на клубот Звездан Терзиќ ги отфрли сите шпекулации за доаѓањето на Риера. Тој му даде целосна доверба на Милојевиќ.
„Секогаш стоиме покрај тренерот и ретко го заменуваме по пораз. Владан Милојевиќ беше под огромен притисок, а исто така сум горд на раководството кое го издржа целиот притисок да го замени Милојевиќ.“
Во претходните денови, Дејан Станковиќ беше поврзуван со српскиот шампион. Наводно, сè е подготвено за враќањето на клупската легенда која го замени Милојевиќ пред шест години.
Дали црвено-белиот тим ќе направи невиден потег и ќе го замени тренерот по три едноподруго европски победи, останува да се види. Тоа би била вистинска катастрофа во овој момент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
