Португалскиот репрезентативец Андре Гомеш доживеа стравична повреда на десната нога на мечот меѓу Евертон и Тотенхем, по која сезоната за него е завршена.
Евертон вчера соопшти дека Гомеш е успешно опериран, иако се уште е во тотален шок, а пред него сега е долг период на рехабилитација.
Гомеш доби огромна поддршка од целиот свет, а синоќа преку својот Инстаграм профил се огласи и неговиот соиграч од репрезентацијата Кристијано Роналдо. Фудбалерот на Јувентус одлучи и јавно да му даде поддршка…
„Ти посакувам брзо опоравување Андре. Знам дека ќе се вратиш уште посилен. Ти испраќам прегратки“ – напиша Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
