По победата над Партизан во претходната рунда натпревари, Олимпијакос со уште една победа во Белград во Евролигата, овој пат над Црвена Звезда со 86-89.
Во уште еден драматичен меч, Олимпијакос до победата дојда благодарение на тројката на Мосес Рајт на 24 секунди пред крајот при резултат 84-84. Во израмнетиот дуел тоа го пресуди победникот, иако Грците во поголемиот дел од мечот имаа водство.
Токму Рајт со 20 поени беше најефикасен кај Олимпијакос, а Боломбој беше најдобар кај Црвена Звезда со 19 постигнати поени.
Монако, пак, во битката за пробивање на втората позиција на табелата славеше против Жалгирис со 69-66. Џејмс со 18 постигнати поени беше најдобриот поединец кај Монако.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
