Здравствената состојба на Златан Ибрахимовиќ ги загрижи љубителите на фудбалот ширум светот, но грипот кој го зафати Швеѓанецот со балканско потекло е веќе зад него. Тој се појави на неделното дерби во Неапол па откри и со што се борел претходните денови.
Ибрахимовиќ откри дека поради болеста загубил три килограми, а не ја пропушти ни шансата да се нашегува на карактеристичен начин.
„Сигурно телото ми беше во шок откако ја исшишав косата. Бев болен, заразив некаква вирусна инфекција. Изгубив три килограми“, откри Ибрахимовиќ кој одговори и на гласините дека е во „војна“ со раководството на Милан.
„Не сме во кавга, разговараме. Тука сум за да им помогнам на сите во клубот, на теренот и надвор од него. Такво беше претходно, такво е сега и такво ќе биде во иднина“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
