Првакот Шкендија пред мечот со Карабах кој се игра утре во Скопје, ги искажа своите очекувања од натпреварот со шампионот на Азербејџан.
Капитенот на тетовските „црвено-црни“ Бесарт Ибраими, на официјалната прес-конференција денеска истакна дека тимот е во добра ситуација и дека верува во уште еден успех во Лигата на шампионите.
„Очекувам да го дадеме максимумот како против ТНС и против ФЦСБ. Веруваме во себе, и зошто да не да го победиме и Карабах. Во добра ситуација сме да направиме нова историја за клубот. Притисикот беше на првиот меч против ТНС. Сега е полесно. Знаеме дека притисокот е на страната на Карабах. Затоа што во фудбалот не победува секогаш фаворитот, се случувало да победи и на хартија аутсајдерот, па зошто да не биде тоа така и сега“, рече Ибраими.
Напаѓачот посакува да постигне гол против Карабах.
„Ќе направам се и на утрешниот меч да дадам гол, но најважно е Шкендија да ја исполни својата цел. Тоа е за мене најважно, а кој ќе постигне гол, тоа не е важно“, додаде Ибраими.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
