Организацијата на професионални фудбалери, ФИФПро, одлучи кои играчи треба да бидат во идеалниот состав за 2017 година. Годинашниот „дрим тим“ го изгласаа 24.000 професионални фудбалери низ светот, а екипата е формирана со дури осум ѕвезди од шпанското првенство, од кои пет од нив се играчи на Реал Мадирд, додека Барселона има три претставници, ако се земе во предвид и Нејмар го носеше дресот на „каталонците“ до минатата сезона.
Како прв избор за чувар на мрежата е легендата на Јувентус, Џанлуиџи Буфон, дефанзивната линија ја сочинуваат Дани Алвеш, Леонардо Бонучи, Серхио Рамос и Марсело.
Лука Модриќ и Тони Крос го предводат средниот ред покрај искусниот Андрес Иниеста, а триото во нападот секако се Кристијано Роналдо, Лионел Меси и Нејмар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
