Седум триумфи и три втори места на вкупно десетте трки го обезбедија Европскиот трофеј за најдобриот автомобилист во Македонија
Агенцијата за млади и спорт организираше прес конференција за Игор Стефановски – Иџе, трократниот европски шампион во автомобилизам.
– Огромна чест и задоволство ми е што до нас го имаме Европскиот автомобилистички шампион . Неговите резултати не обврзува нас, како Агенција за млади и спорт, а се надевам и целиот негов тим, да стоиме и понатаму зад неговите настапи од причина што Иџе е пример како се сака спортот, како се бранат боите на соспствената земја, како вистински се претставува татковината, истакна директорот на Агенција за млади и спорт Наумче Мојсовски.
Стефановски на последната трка во Бузет, Хрватска, триумфираше на двете трки со што ја потврди својата доминација во шампионатот за ридско-планински трки, поставувајќи нов рекорд на патеката.
За Стефановски ова е трета титула откако првите две ги освои во 2014-тата и 2015-тата година.
Седум триумфи и три втори места на вкупно десетте трки го обезбедија трофејот за најдобриот автомобилист во Македонија.
– Освојувањето на третиот трофеј ми обезбеди влез во историјата на ридско планински европски натпреварувања, како единствен освојувач на три титули, а за да биде задоволството уште поголемо, рушевме рекорди на осум патеки, истакна Стефановски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
