И во декември нема одмор за македонските претставници во УЕФА на меѓународните натпревари што е јасен доказ дека добро ја извршуваат работата. Еден од најангажираните е интернационалниот судија Игор Стојчевски, кој речиси само што допатува од Италија, а веќе отпатува за Франција каде ќе го суди мечот во младинската Лига на шампиони меѓу Нант и израелскиот клуб Макаби Хаифа. Ќе му помагаат Куштрим Лика и Кристијан Џонов.
Ангажирани се и нашите контролори, Димитар Мечкаровски и Дејан Јакимовски. Мечкаровски ќе го контролира судењето во групната фаза во Лига на Европа меѓу Селта Виго и Болоња, додека Јакимовски во Полска е задолжен да го оцени судењето во групната фаза во Конференциската лига меѓу Лех Познањ и Мајнц.
Ќе патува и претседателот на Натпреварувачката комисија на ФФМ Васко Дојчиновски во Ерменија каде ќе биде делегат на мечот во Ереван меѓу клубот Ноа и Легија од Варшава во рамките на Конференциската лига. Сите натпревари се играаат на 10 и 11 декември.
М.М.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
