Најдобриот стрелец во историјата на Првата Македонска Фудбалска Лига, Баже Илијоски, денеска обелодени дека става крај на својата фантастична кариера.
Илијоски се решава на ваков чекор на 34-годишна возраст, завршувајќи ја кариерата како член на Работнички, тим за кој настапуваше во шест различни периоди. Од македонските клубови тој го носеше и дресот на Металург, Пелистер и Шкупи, а меѓународната кариера ја градеше во Јужна Кореја (Инчон), Јапонија (Гифу), Романија (Брашов и Рапид) и Тајланд (Багкок Глас и Келантан).
Зд неговото име остануваат запишани 146 погодоци во елитното македонско фудбалско друштво, рекорд што доволно говори за квалитетите на Илијоски.
Во својата порака објавена на личниот фејсбук-профил, Илијоски се заблагодари на сите свои соиграчи, тренери, судии и новинари со кои соработувал низ годините, но особена благодарност изрази до ФК Работнички, како клуб во кој мина најголем дел од својата кариера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА