Убави вести за селекторот на фудбалската репрезентација на Шпанија, Хулен Лопетеги. Фудбалерот на Реал Мадрид, Дани Карвахал, најверојатно ќе ја надмине повредата на мускулот и ќе биде дел од Светското првенство во Русија. Лекарските проценки се дека тој би можел да се опорави за околу две седмици, и да биде во комбинација за настап на мундијалот.
По ова, селекторот Лопетеги одлучи десниот бек да остане со фудбалерите на „црвената фурија“, а во последен момент, со докторска проценка, ќе се знае дали и конечно ќе влезе во составот на Шпанија за настап на СП.
Шпанија на 15 јуни го почнува својот настап на мундијалот, а во воведниот дуел ќе ги одмери силите со актуелниот европски првак Португалија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
