Чиро Имобиле не го криеше задоволството по триумфалниот старт на Италија на ЕВРО 2020. Голгетерот на Лацио го постигна вториот погодок за „аѕурите“ на вечерашното отворање на европскиот шампионат, а веднаш по мечот истакна дека фудбалерите целосно ја исполниле тактиката што ја испланирал селекторот Роберто Манчини.
Трпеливоста беше главна одлика на „аѕурите“, кои доминираа и во првото полувреме, но не успеаја да постигнат гол, за во вториот пат да го натераат противничкиот голман трипати да ја вади топката од мрежата.
„Покажавме трпение, што е многу важно за вакви натпревари. Противникот не е нималку лесен, но имавме зацртано задача да го измориме, бидејќи знаевме дека нема да можат да го издржат нашето темпо. Тоа се исполни, успеавме да ги измориме, а потоа во второто полувреме да стигнеме до победата. Очигледно беше дека тие немаат сили, а ние знаевме како да го искористиме тоа. Пресреќен сум и поради мојот гол, да се биде стрелец на дебито на еден европски шампионат, и тоа на мојот стадион, не може да биде подобро од ова“, изјави Имобиле.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
