Лацио ја врза и втората победа на стартот од сезонава во Калчо-лигата откако избраниците на Маурицио Сари вечерва ја декласираа Специја со 6-1. Во главна улога беше Чиро Имобиле, кој во првото полувреме постигна хет-трик, правејќи целосен пресврт откако гостите на самиот почеток први го отворија резултатот.
Од тој момент, па до крајот на полувремето можеше да се проследи Имобиле – шоу на „Олимпико“, италијанскиот голгетер трипати го матираше гостинскиот голман, а згора на тоа имаше и еден промашен пенал. Андерсон постигна гол за 4-1 на почетокот од вториот дел,а по црвениот картон што го доби Амијан, меѓу стрелците за Лацио се запишаа и Хисај и Луис Алберто.
Аталанта во второто коло го имаше и првиот „кикс“ во новата сезона, ремизирајќи 0-0 против Болоња. Тимот на Синиша Михајловиќ успеа да го неутрализира атомкиот напад на Аталанта, домаќините имаа неколку одлични шанси, но не најдоа начин да го совладаат голманот Скорупски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
