Напаѓачот на Атлетик Билбао, Ињаки Вилијамс, парафира нов деветгодишен договор со шпанскиот клуб. Тој се согласи за соработка со баскискиот клуб до 2028 година, а во договорот има отштетна клаузула од 135 милиони евра, доколку некој сака предвреме да го откупи.
Ова е вториот најдолг договор во шпанскиот фудбал по Бразилецот Денилсон, кој во 1998 година потпиша на десет сезони со Бетис.
„Се надевам дека ќе дојдат големи нешта со Атлетик Билбао. Ова е мојот дом и се што сакам. Клубот отсекогаш верувал во мене и тука се чувствувам прекрасно“, изјави Ињаки Вилијамс.
Тој дебитираше за Атлетик Билбао во 2014 година, а ова лето беше поврзуван со можен трансфер во Манчестер Јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
