Претседателот на Светската фудбалска федерација (ФИФА), Џани Инфантино ја прокоментира денешната пресуда на Европскиот суд кој пресуди во корист на Суперлигата и против светската и европската куќа на фудбалот.
Инфантино остана доследен на неговите претходни ставови дека цврсто стои покрај УЕФА и нејзините натпреварувања.
„Со најголема почит кон Европскиот суд на правдата, денешната пресуда не менува ништо. Историски гледано, ги организиравме најдобрите натпревари во светот и ќе продолжиме да го правиме тоа и во иднина. Ќе продолжиме да ги организираме најспектакуларните, конкурентни и значајни натпреварувања во светот и ќе ги користиме нашите приходи за да го развиеме фудбалот во секој агол на планетата преку програми за солидарност кои обезбедуваат помалку привилегирана корист од овие натпревари на високо ниво. ФИФА ќе продолжи да го прави тоа, како и секогаш, во блиска соработка со нашите здруженија членки, конфедерации и сите фудбалски чинители, за ексклузивна корист на нашата игра на глобално ниво. Сите заедно“, нагласи Џани Инфантино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
