Првиот човек на ФИФА изјави дека светското управно тело на фудбалот треба да ја укине забраната за Русија да се натпреварува на меѓународни турнири.
ФИФА ја забрани Русија од меѓународни фудбалски турнири веднаш по инвазијата на земјата во Украина во зимата 2022 година. Забраната останува на сила, иако на младинските тимови им е дозволено да се натпреваруваат од 2023 година.
„Мораме“, изјави Инфантино за Скај њуз во интервју кога беше прашан дали би размислил за укинување на забраната, а потоа додаде: „Јас сум против забраните, јас сум и против бојкотите“, додаде тој, велејќи дека тие само „создаваат повеќе омраза“.
Тој рече дека би испратило позитивна порака ако „девојчињата и момчињата од Русија“ учествуваат на фудбалски турнири низ Европа.
Инфантино одржува блиски врски со американскиот претседател Доналд Трамп и му ја додели новосоздадената награда за мир на ФИФА – широко сметана за симболична чест откако на американскиот претседател му беше одбиена Нобеловата награда за мир и покрај тоа што водеше силна кампања за неа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
