Ингебригцен ги обедини златните медали во СП во сала

  • Екипа
  • 23.03.2025 / 14:35
  • СПОДЕЛИ:

Норвешкиот атлетичар Јакоб Ингебригцен го освои златниот медал на трката на 1.500 метри на Светското првенство во сала во Нанџинг, Кина.

Прославениот норвешки спортист победи со време од 3:38,79 минути, а ова му е второ злато во Нанџинг откако славеше на трката на 3.000 метри.

Претходно Норвежанецот ги обедини двете злата и на ЕП во сала во истите дисциплини и во 2025, 2023 и 2021 година.

Среброто му припадна на британскиот натпреварувач Нил Горли (3:39.07), додека Американецот Лук Хаузер ја освои бронзата (3:39.17).

Во женска конкуренција на иста дистанца славеше Етиопјанката Гудаф Цегај, која истрча 1.500 метри за 3:54,86 минути, поставувајќи нов шампионски рекорд.

Нејзината сонародничка Дирибе Велтеџи освои сребро (3:59.30), а бронзениот медал и припадна на Британката Џорџија Хантер Бел (3:59.84).

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...