Поразот на Реал Мадрид од 3-0 против Арсенал во првиот меч од 1/4 финалето на Лигата на шампионите, оставија голема трага во совлекувалната на европскиот првак. Шпанските медиуми објавија дека капитенот Лука Модриќ му укажал на тренерот Карло Анчелоти на недоволната посветеност на некои од неговите соиграчи. Но, откако Реал се најде во тешка ситуација во Лигата на шампионите, додека заостанува четири бода зад лидерот Барселона во Ла Лига, се чини дека има повеќе проблеми.
Еду Агире, новинар и инсајдер на Реал Мадрид, вели дека во петокот на тренингот на Реал Мадрид дошло до судир помеѓу Џуд Белингем и Антонио Рудигер.
„Тоа беше една од најнапнатите недели во соблекувалната на Реал Мадрид. Од средата играчите се чувствуваа како да мораат да поминат низ тоа. Тие чувствуваат дека целата сезона може да биде загубена за само неколку дена. Ми кажаа дека имало голема расправија меѓу двајца играчи на тренингот во петокот како резултат на таа тензија. Се претвори во тепачка меѓу Белингем и Рудигер“, тврди Агире.
Новинарот додаде дека дури и таквите конфликти се вообичаени во многу тимови, но дека тука се важни тајмингот и контекстот, пред клучните натпревари во Ла Лига и Лигата на шампионите, особено во однос на реваншот против Арсенал во среда.
EXCLUSIVA @EduAguirre7
“El viernes hubo un PIQUE en el entrenamiento entre RUDIGER y BELLINGHAM”
“Se terminaron dando la mano”. pic.twitter.com/xZCGQrptIE
— El Chiringuito TV (@elchiringuitotv) April 13, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
