Интер ја врза и третата победа во серија откако „нероаѕурите“ вечерва славеа со 2-1 над Удинезе, правејќи уште еден чекор напред кон одбрана на шампионската титула. Капитенот Лаутаро Мартинез поради повреда не настапи вечерва, но Интер во своите редови го имаше одличниот Димарко, кој со две асистенции беше најзаслужен за победата.
Интер стигна до одлично водство во првото полувреме, најпрвин Арнаутовиќ стрелаше прецизно по додавањето на Димарко, а потоа на 2-0 зголеми Фратези, по асистенцијата на истиот фудбалер.
Инзаги мислеше дека се е готово и повлече дел од стартерите од тимот, но ситуацијата се искомпликува кога Удинезе успеа да намали преку Соле во 71. минута. Гостите притиснаа во обид да стигнат до израмнување, но голманот Зомер спречи зицер на Соле во судиското продолжение и Интер стигна до значајни три бода на овој натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
