Дефанзивецот на Интер, Франческо Ачерби се повреди за време на победата од 5-0 над Верона во саботата. Тој го напушти теренот по само 15 минути игра, барајќи да биде заменет откако почувствува болка и беше заменет со Стефан де Фрај.
Ова беше втор последователен натпревар за 36-годишниот ветеран како стартер по опоравувањето од истегнување на тетивата. Сега е повторно проблемот со мускулот, но точната природа на повредата и колку време ќе биде надвор од терените ќе станат јасни откако ќе ги помине темелните лекарски прегледи во наредните денови.
Ачерби веќе пропушти два натпревари оваа сезона поради споменатата повреда. Инаку, тој е клучен играч во формацијата на Симоне Инзаги, со 11 настапи од почетокот на сезоната во сите натпреварувања, од кои 10 стартуваше.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
