Италијанскиот калчолигаш Интер успеа да одолее на интересот на Барселона за аргентинскиот напаѓач Лаутаро Мартинез. Голгетерот на „нероаѕурите“ беше во сериозни преговори за преселба на „Камп Ноу“, но Барселона сепак не ја плати отштетната клаузула која изнесуваше 110 милиони евра.
Интер сега сака да го „врзе“ Лаутаро Мартинез со нов шестгодишен договор и да го зацврсти неговото место на „Џузепе Меаца“. Неговиот актуелен договор има важност до 2023 година, но и клаузула дека може да замине доколку заинтересираните клубови платат преку 100 милиони евра. Во новиот договор, отштетната клаузула би била многу повисока и недостижна за најголем број од европските клубови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
