Симоне Инзаги се соочува со нов сериозен проблем откако Хакан Чалханоглу се врати повреден од репрезентативната пауза. Турскиот репрезентативец го повреди мускулот за време на натпреварот со Хрватска и мораше предвреме да биде заменет, а првите прегледи во Милано покажаа дека проблемот не е нималку наивен.
Чалханоглу дефинитивно нема да настапи викендов против Фиорентина, по што на почетокот од следната седмица ќе бидат извршени нови прегледи врз него. Повредата е прилично сериозна и првите прогнози се дека Турчинот ќе биде „во аут“ дваесетина дена, што би значело дека нема да игра ниту на првиот четвртфинален меч од ЛШ против Бенфика, како и на полуфиналето од Купот на Италија со Јувентус.
Сериозен проблем за Симоне Инзаги во клучниот дел од сезоната, во кој евентуален нов „кикс“ на Интер може да донесе и до тренерска смена кај „нероаѕурите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
