Манчестер Сити мака мачи во новата сезона во која рано остана без услугите на својот најдобар фудбалер Родри. Во дербито со Арсенал, шпанскиот репрезентативец кој ја доби престижната награда „Златна топка“ заработи повреда на предните вкрстени лигаменти на десното колено и ќе биде во „аут“ до крајот на сезоната.
Запрашан за лошта форма и серијата на порази шпанскиот стратег на клупата на Манчестер Сити, Пеп Гвардиола направи интересна споредба со Мајкл Џордан и Чикаго Булс.
„Играме без добитникот на „Златната топка“ и без најдобриот играч минатата сезона во Англија. Колку прстени освои Чикаго Булс без Мајкл Џордан? Никој не може да игра без средните дефанзивци, а и ние не можеме без најдобрите играчи од минатата сезона“, вели Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
