Симоне Инзаги загуби уште еден дерби натпревар, а тренерот на Интер по завршувањето на мечот вината за поразот од Јувентус ја насочи кон судиите.
Костиќ го постигна единствениот гол на дербито на „Џузепе Меаца“, но според Инзаги ВАР-арбитрите морале да реагираат и да го поништат погодокот поради играње со рака на Рабио на почетокот од акцијата.
„Срамота е да се загуби дерби натпревар на ваков начин. Рековме дека нема да коментираме вакви работи по дуелот со Монца во јануари, но повторно се случи нешто максимално сериозно. Неприфатливо е да загубите натпревар со ваков гол во ера на ВАР технологија. Што да кажам, 20 пати ја разгледавме ситуацијата и исто толку пати видов дека Рабио игра со рака“, изјави Инзаги.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
