Интер рутински ја заврши работата на синоќешниот дуел со Специја (3-0), а тренерот Симоне Инзаги не го криеше задоволството од одличното издание на својот тим.
„Нероаѕурите“ имаа и уште неколку стопроцентни шанси што останаа нереализирани, но за Инзаги најважно е што Интер со леснотија создава ситуации за постигнување на погодок во противничкиот шеснаесетник.
„Мора да се биде задоволен, не само за трите гола, туку и за начинот на кој игравме, за шансите што ги искреиравме. Лукаку покажа дека е многу значаен за нас и кога не постигнува голови, тој дава друга димензија во нашата игра. Дали можеме да стигнеме до 100 гола сезонава? Искрено верувам во тоа, се надевам во тоа бидејќи имаме четворица одлични напаѓачи, но и други играчи во тимот кои знаат како да стрелаат прецизно од најразлични позиции“, изјави стратегот на Интер.
Првиот посериозен предизвик сезонава Интер ќе го има наредниот викенд, кога „нероаѕурите“ ќе му гостуваат на Лацио на „Олимпико“ во Рим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
