Интер го продолжи победничкиот поход во Серија А славејќи со 2-1 во средбата против Удинезе во натпревар кој го одбележа и црвениот картон на тренерот Симоне Инѕаги.
Италијанскиот стратег беше исклучен поради бесен излив на емоции крај теренот во самата завршница па судијата Даниеле Кифи му го покажа патот кон соблекувалната доделувајќи му црвен картон.
Со одлуката на судијата се согласи и Инѕаги кој сепак жали за бурната реакција поради која ќе мора да го проследи натпреварот против Парма од трибините.
„Исклучувањето беше праведно. Направив грешка и ја платив со црвен картон. Судијата ме изнервира поради прекршокот кој беше направен над Кореа, а кој не беше досуден. Тоа направи противникот да има нова шанса преку Соле со корнерот кој следеше. Адреналинот секогаш е посилен од мене, добив исклучување и сега нема да можам да бидам активен против Парма“, изјави тренерот на Интер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
