Интер 403 минути нема постигнато гол во сите натпреварувања, а ова го коментираше тренерот Симоне Инзаги после разочарувачките 0:0 против Милан во 1/2 финалето од Купот.
„Разбирам дека кога нема да се дадат гол на четири меча звучи сензационално, но работиме на тоа. Имаме добри напаѓачи. Игравме одлично во ноември, декември и јануари и мислам дека очекувано паднавме во психолошка дупка. И натаму ги лечиме раните од поразот од дербито со Милан. А, тогаш се беше добро до 75. минута“, изјави Инзаги.
Последниот гол Интер го постигна на дербито против Наполи кога одигра 1-1. Потоа не успеа да ја затресе мрежата на Ливерпул, па на Сасуоло, и одигра 0-0 со Џенова и со Милан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
