Патникот во 1/4 финалето во дуелот помеѓу Интер и Атлетико ќе се одлучува на вториот меч во Мадрид, откако првиот во Милано заврши со победа на „нероазурите“ со минимални 1-0.
Арнаутовиќ во 79. минута ја донесе победата на својот тим, откако претходно Австриецот промаши два зицера, з на крајот да донесе предност и победа.
Инзаги кажа дека неговиот тим заслужи поубедлива победа.
„Момците беа одлични и физички и технички против една добра екипа, но ние сме разочарани што победивме само со еден гол, мислам дека заслуживме повеќе. Вториот меч во Мадрид ќе биде тежок. Во првиот дел бевме добри, но не премногу. Во второто полувреме слабо тргнавме, а потоа бевме одлични. Признавам дека би сакал да играм во нападот на една ваква екипа“, рече Симоне Инзаги.
Од друга страна тренерот на Атлетико призна дека Интер бил подобар, но благодарение и на неговата екипа.
„Интер е силна екипа, а мислам дека и ние им дозволивме премногу, а не требаше. Дури во првиот дел за малку ќе искористеа една наша грешка. Интер има одличен противнапад и тешко е кога ќе им оставите толку простор. На реваншот одиме со гол минус, и мораме да бидеме многу подобри од првиот меч“, изјави Симеоне.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
