Њукасл пикираше двајца играчи на Ливерпул кои би сакал да ги вклучи во потенцијална замена за Александар Исак, пренесуваат британските медиуми.
Со оглед на тоа дека се ближи летниот преоден рок, се повеќе се шпекулира за потенцијални трансфери, а Ливерпул би можел да биде еден од најактивните клубови бидејќи Арне Слот сака дополнително да го засили тимот по импресивната прва сезона на клупата.
Исак наводно е на врвот на листата на желби на Слот, а за да се намалат трошоците за трансферот, „црвените“ се подготвени да понудат играчи во замена. Според последните информации, Њукасл избра двајца играчи кои би сакал да ги види како дел од тој договор – Диого Жота и Харви Елиот.
Иако претходно се мислеше дека Џо Гомез и Џерел Куанса би можеле да бидат вклучени во потенцијалната замена, фокусот сега е на Жота и Елиот, бидејќи менаџерот Еди Хау ги почитува многу.
Исто така, во еден момент како опција се споменуваше и Дарвин Нуњез, но Њукасл повеќе не е заинтересиран за доведување на уругвајскиот напаѓач.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
