Кошаркарот Кајл Лаури, кој дел од последните две сезони играше во неговиот роден град Филаделфија, во понеделникот потпиша едногодишен договор за да ја одигра својата 20. сезона во НБА со 76-те.
Условите на договорот не беа откриени за шесткратниот Ол-стар, кој го имаше своето деби со Мемфис Гризлис откако беше избран во како 24. пик на драфтот во 2006 година.
„Рекордот на Кајл и неговата биографија за Куќата на славните зборуваат сами за себе. Тој е докажан генерал со огромно познавање на играта, кој е предност за сите во организацијата“, рече претседателот на Сиксерс за кошаркарски операции Дерил Мори.
Минатата сезона, 39-годишниот Лаури имаше просек од 3,9 поени, 2,7 асистенции и 1,9 скока на 35 натпревари. Во текот на својата кариера, Лаури имаше просек од 13,9 поени, 6,1 асистенции, 4,2 скока и 1,3 украдени топки во 1.173 натпревари (898 како стартер) за Мемфис Гризлис, Хјустон Рокетс, Торонто Репторс, Мајами Хит и Филаделфија 76.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
